Tələbə və gənclər üçün “Layihələrin yazılması və idarə olunması” adlı təlim proqramı baş tutdu

GSM-in (Gənclərin Sosial Tərəfdaşlığı Mərkəzi) təşkilatçılığı ilə bakalavriat (III və IV kurs) və magistratura səviyyəsində təhsil alan tələbələr, yeni məzun olmuş şəxslər və gənc peşəkarlar üçün 2023-cü ilin 5-9 sentyabr tarixlərində “Layihələrin yazılması və idarə olunması” mövzusunda qısamüddətli təlim kursu keçirilib.

Təlim kursunun əsas məqsədi iştirakçıların peşəkar bilik və bacarıqlarının təkmilləşdirilməsi, layihələrin hazırlanması və idarə olunması, donorlarla əlaqələrin qurulması, fandreyzinq imkanlarının artırılması və müvafiq istiqamətlərdə praktiki addımların atılmasına dair geniş məlumat təqdim etməkdən ibarət olub.

Proqram çərçivəsində peşəkar təlimçilər tərəfindən aşağıdakı mövzular üzrə seminarlar təşkil olunub:

* Tədqiqat metodları və təhlil;
* Layihə təkliflərinin hazırlanması: layihənin hədəf aldığı problem və onun əsaslandırılması (problem tree) necə tərtib edilir?
* Məntiqi Çərçivə Matriksi (LogFrame) hazırlanması;
* Layihənin “həyat dövrü” və layihə menecmentinin əsasları;
* Layihə təklifinin inkişafı: kommunikasiya və layihə barədə məlumatlandırma (visibility) strategiyaları;
* Monitorinq və qiymətləndirmə, hesabatların hazırlanması;
* Humanitar, sosial və təhsil istiqamətli layihələr üçün mövcud maliyyə imkanları, resurslar və alətlər;
* Yerli və beynəlxalq fandreyzinq (maliyyələşmə) imkanlarının artırılması.

Proqram çərçivəsində təşkil edilən “layihə inkubatoru” simulyasiya məşğələsi zamanı iştirakçılar real layihə təklifi hazırlayaraq qrant müsabiqələrinə müraciət prosesinin bütün mərhələləri üzrə təcrübə əldə ediblər.

Qeyd edək ki, təlim proqramı tamamilə ödənişsiz əsaslarla təşkil olunub.

Poliqon.info