İran Xarici İşlər Nazirliyi Səudiyyə Ərəbistanı ilə razılaşmanın məqsədini açıqlayıb…
İranın xarici işlər naziri Hüseyn Əmir Abdullahiyan bildirib ki, İran və Səudiyyə Ərəbistanı arasında diplomatik münasibətlərin bərpasına dair razılaşma hər iki ölkənin maraqlarına, eləcə də regional sülh və təhlükəsizliyə fayda verəcəkdir.
Poliqon.info xəbər verir ki, bu barədə martın 12-də IRNA Agentliyi məlumat yayıb.
Əmir Abdullahiyan vurğulayıb ki, Tehran və Ər-Riyad arasında razılaşma regionun heç bir müsəlman ölkəsi üçün təhlükə yaratmır. O, qeyd edib ki, saziş İran və Səudiyyə Ərəbistanı arasında münasibətləri normallaşdırır.
Razılaşmada İran və Səudiyyə Ərəbistanının paytaxtlarında iki ay ərzində səfirliklərin açılması, səfirlərin mübadiləsi və Ciddə və Məşhəddə konsulluqların açılmasını nəzərdə tutulur.
Xatırladaq ki, martın 10-da İran və Səudiyyə Ərəbistanı diplomatik münasibətləri bərpa etmək üçün səfirliklərini yenidən açmaq barədə razılığa gəliblər. Razılaşma Çinin vasitəçiliyi ilə əldə olunub.
Poliqon.info