NATO-nun Baş katibi Yens Stoltenberq Alyans ölkələrini döyüş sursatı istehsalını artırmağa çağırıb...
Poliqon xəbər verir ki, bu barədə Bloomberg Agentliyi məlumat yayıb. Baş katib qeyd edib ki, müttəfiqlərin silah-sursat ehtiyatları azaldığından müdafiə şirkətləri ilə daha çox müqavilə imzalamalıdırlar.
Şimali Atlantika Alyansının Baş katibi bildirib ki, NATO müttəfiqləri nUkraynaya dəstək verə bilmək üçün ehtiyatlarını tükəndiriblər.
“Biz bu yeni və daha iddialı hədəflərə çatmaq üçün hasilatı artırmalıyıq”, deyə Stoltenberq bildirib.
Baş katib əlavə edib ki, bu məsələ ilə bağlı təmasları asanlaşdırmaq üçün Şimali Atlantika Müqaviləsi Təşkilatı müdafiə sənayesi nümayəndələrini Müdafiə Nazirliyi rəhbərlərinin Brüsseldə keçiriləcək görüşünə qoşulmağa dəvət edib. Bu görüş iyunun sonunda baş tutacaq.
Stoltenberq həmçinin ümid etdiyini bildirib ki, müttəfiqlər iyulda Vilnüsdə keçiriləcək görüşdə müdafiə sənayesi sahəsində fəaliyyət planı ilə bağlı razılığa gələcəklər ki, bu planda sursat istehsalının və birgə satınalmaların artırılması yolları göstəriləcək.
Poliqon.info