Şri-Lanka bu məsələdə Hindistandan dəstək istəyəcək...
Şri-Lanka Xarici İşlər Nazirliyi ölkənin BRİKS-ə qoşulmaq istəyini təsdiqləyib. Nazir Əli Sabri bildirib ki, Şri-Lanka təşkilata üzv olmaq məsələsini öyrənmək üçün alt komitə yaradıb.
Poliqon xəbər verir ki, bu barədə Şri-Lanka diplomatiyasının rəhbəri ANI nəşrinə müsahibəsində bildirib.
“BRICS yaxşı təşkilatdır, xüsusən də Hindistan onun bir hissəsi olduğu üçün biz BRİKS-ə qoşulmağa çalışacağıq”, deyə nazir müsahibəsində vurğulayıb.
Nazir Şri-Lankanın BRİKS-ə qoşulması prosesində dəstək üçün Hindistana müraciət etmək niyyətində olduqlarını bildirib.
Nazir həmçinin qeyd edib ki, BRİKS-ə üzv ölkələrin xarici işlər nazirlərinin Rusiyada keçiriləcək iclasında iştirak etmək üçün dəvəti qəbul edib.
Qeyd edək ki, BRİKS qrupu 2006-cı ildə yaradılıb. Əvvəlcə onun tərkibinə Braziliya, Rusiya, Hindistan və Çin daxil idi. Daha sonra Cənubi Afrika Respublikası bu iqtisadi blokaqoşuldu. 2023-cü ildə Misir, İran, BƏƏ, Səudiyyə Ərəbistanı və Efiopiya daxil təşkilata üzv olublar.
Poliqon.info
Digərxəbərlər
Populyar xəbərlər
