Şimali Koreya ilk dəfə olaraq Kim Çen Inın Çu E kimi tanınan qızının təsviri olan yeni poçt markalarının dizaynını təqdim edib...
Poiqon.info xəbər verir ki, bu barədə Cənubi Koreyanın Yonhap Xəbər agentliyinin verdiyi məlumatInda bildirilir.
Dizaynları Şimali Koreya Poçt Korporasiyasının saytında yerləşdirilən poçt markalarında ötən ilin noyabrında “Hvason-17” qitələrarası ballistik raketinin sınaq buraxılışında iştirak edən Kim Çen In və qızı təsvir edilib. Saytın məlumatına görə, markalar cümə günü buraxılacaq.
Qeyd olunur ki, Şimali Koreya ilk dəfədir ki, Kim Çen Inın övladının təsviri olan poçt markaları buraxır.
Şimali Koreya liderinin təxminən 10 yaşında olduğu güman edilən qızı ötən həftə Koreya Xalq Ordusunun yaradılmasının 75-ci ildönümü ilə bağlı keçirilən hərbi paradda iştirak edib. Bu, onun Kim Çen Inın varisi kimi hazırlana biləcəyi ilə bağlı şayiələrə səbəb olub.
Yonhap qeyd edir ki, KXDR dövlət mediası son vaxtlar onu “sevimli” və ya “ən sevimli” əvəzinə Kim Çen Inın “hörmətli” qızı kimi xatırlamağa başlayıb. Ehtimal olunur ki, bu, onun statusunun artmasını göstərə bilər.
Bu arada ekspertlər onun Kim Çen Inın varisi olub-olmayacağı barədə mühakimə yürütmək üçün hələ tez olduğunu deyirlər. Lakin onların fikrincə, Pxenyan Kim sülaləsinin Baektusan soyunun nəslindən olan legitimliyini nümayiş etdirir.
Poliqon.info