Şəmkir rayonunda baş vermiş qətlin bəzi təfərrüatı məlum olub.
"Report"un Qərb Mərkəzinin əldə etdiyi məlumata görə, Mahizər Hüseynova yataq otağında yuxuda olduğu zaman bıçaqlanıb.
O, kəskin ağrıya oyanıb və üst-başının qan içərisində olduğunu görüb. Bundan sonra səs-küyə anası Sədaqət İbadullayeva gəlib. Bu zaman kürəkəni onu da bıçaqlayıb. Hər iki qadın ağır vəziyyətdə xəstəxanaya aparılıb. Lakin S.İbadullayeva yolda dünyasını dəyişib. M.Hüseynova isə cərrahiyyə əməliyyatına alınıb.
Ailədə bundan əvvəl də zaman-zaman mübahisə yaşandığı, İ.Hüseynovun həyat yoldaşını ov tüfəngi ilə hədələdiyi bildirilir.
Faktla bağlı Şəmkir Rayon Prokurorluğunda araşdırmalara başlanılıb.
***
Şəmkir rayonunda qətl törədilib.
Hadisə Şiştəpə kəndində qeydə alınıb.
Belə ki, Şəmkir rayon sakini şəxsi münasibətlər zəminində qaynanası Sədaqət İbadullayevanı və həyat yoldaşı Mahizər Hüseynovanı bıçaqlayıb. Nəticədə qaynanası xəstəxanaya aparılarkən yolda dünyasını dəyişib, həyat yoldaşı isə ağır vəziyyətdə xəstəxanaya yerləşdirilib.
Faktla bağlı araşdırma aparılır.(report)
pia.az