Kremldən bildiriblər ki, Rusiyanın Ukraynada məğlubiyyəti yəhudilərə ən pis şəkildə təsir edəcək…
PİA.az xəbər verir ki, belə bir iddia ilə İsrailin 11Kann televiziya kanalı çıxış edib.
Kanalın Kremldən olan mənbəsi qeyd edib ki, Rusiya müharibəni uduzarsa, bunun səbəbkarlarını axtaracaq və onlardan biri də yəhudilər ola bilər:
“Rusiyanın Ukrayna müharibəsində mümkün məğlubiyyəti ən ağır şəkildə yəhudilərə təsir göstərə bilər. Çünki məğlubiyyəti kimlərinsə üzərinə atmaq üçün Rusiyaya “qurbanlıq keçi” lazım olacaq. Belə bir “qurbanlıq keçi” isə yəhudilər olacaq. Məğlub olduğunda Rusiyada hər kəs bunun səbəbini axtarmağa başlayacaq və bunun da bir ucu yəhudilərə gedib çıxacaq”, deyə kanalın mənbəsi bildirib.
Mənbə vurğulayıb ki, hazırda Rusiyada durmadan böyüyən anticemitizmin qarşısını şəxsən Putin alır.
İsrail telekanalı bildirir ki, Kremldən belə bir mesaj İsrailə də verilib. Çünki Kremlı əmin olmaq istəyir ki, İsrail Rusiya ordusunun bir hissəsinin Suriydan Ukraynaya gətirilməsinə mane olmayacaq.
Bu təhdidə qarşı Təl-Əvivdən verilən reaksiya isə məlum deyil.
pia.az