Sandu: Rusiya və Moldova arasında heç vaxt qarşılıqlı hörmətə əsaslanan münasibətlər olmayıb...
Moldova prezidenti Maia Sandu Moskva ilə Kişinyov arasındakı münasibətlərdən danışıb. Onun sözlərinə görə, iki ölkə arasında heç vaxt qarşılıqlı hörmətə əsaslanan münasibətlər olmayıb.
Poliqon xəbər verir ki, Moldava prezidenti bu mövqeyini TVR Moldova telekanalında səsləndirib.
“Mən hakimiyyətə gələndə dedim ki, biz Rusiya ilə qarşılıqlı hörmətə əsaslanan praqmatik münasibətlər istəyirik. Lakin Moldovanın səylərinə baxmayaraq, belə bir münasibət olmayıb”, deyə siyasətçi bildirib.
Sandunun sözlərinə görə, heç bir əməkdaşlıq müqaviləsi Moldovanın Rusiyadan hörmət görməsinə imkan verməyib. Prezident həmçinin qeyd edib ki, Rusiya ilə münasibətlər və ya MDB ilə müəyyən sazişlərin denonsasiyası ilə bağlı istənilən qərar Moldova vətəndaşlarının mənafeyinə əsaslanır.
Poliqon.info