Rusiya BMT Təhlükəsizlik Şurasının genişləndirilməsinə qarşı deyil

Peskov: “BMT Təhlükəsizlik Şurası təşkilatın effektivliyini artırmaq üçün transformasiyaya ehtiyac duyur”.

Rusiya prezidentinin mətbuat katibi Dmitri Peskov bildirib ki, BMT Təhlükəsizlik Şurasının bütün iştirakçılarının konsensusu ilə təşkilatın effektivliyini artırmaq üçün transformasiyaya ehtiyacı var.

Poliqon xəbər verir ki, bu barədə “RİA Novosti” Agentliyi məlumat yayıb.

“BMT Təhlükəsizlik Şurası həqiqətən dəyişdirilməlidir ki, bu son dərəcə mühüm beynəlxalq qurumun effektivliyi maksimuma çatsın. Bu, əlbəttə ki, bütün iştirakçıların konsensusunu və son zamanlar özlərini daha çox tanıdan dövlətlərin iştirakı baxımından inklüzivlik tələb edir”, deyə Peskov qeyd edib.

Kreml rəsmisi əlavə edib ki, BMT Təhlükəsizlik Şurasının genişləndirilməsi üzrə danışıqlar uzun və çətin olacaq, lakin bu zəruridir.

Qeyd edək ki, Ağ Evin strateji kommunikasiyalar üzrə koordinatoru Con Kirbi bildirib ki, bir həftə ərzində ABŞ prezidenti Co Bayden BMT Təhlükəsizlik Şurasında dəyişikliklərlə bağlı məsələ qaldıracaq.

Poliqon.info