Qlobal istiləşmə ABŞ-da milli miqyaslı təhlükə yaradıb: Körpülər uça bilər...

Poliqon xəbər verir ki, bu barədə The New York Times qəzeti məlumat yayıb.

Nəşrin yazdığına görə, bir çox Amerika körpüləri son illərin həddindən artıq istilərinə tab gətirmək üçün nəzərdə tutulmayıb. Həddindən artıq istilər və iqlim dəyişikliyi ilə bağlı artan daşqınlar bütün ölkədə çökmələrə səbəb ola bilər. Məqalə müəllifləri qeyd edir ki, nəticədə ölkə daxilində insanların və yüklərin təhlükəsiz hərəkətinə ciddi təhlükə yaranır.

Qəzetlə söhbətində ekspertlər qeyd ediblər ki, körpülərin köhnəlməsi artıq ABŞ-da malların qiymətinə və tədarük zəncirlərinə təsir edir.

Bundan əvvəl Çikaqodakı Şimal-Qərb Universitetinin amerikalı alimləri belə nəticəyə gəlmişdilər ki, qlobal istiləşmə nəticəsində bəşəriyyətə vurduğu zərər əvvəlki hesablamalardan altı dəfə çoxdur. Tədqiqatın müəllifləri 120 illik iqlim və iqtisadi məlumatlardan istifadə edib və 2100-cü ilə qədər dəyişən iqlim şəraitində xərcləri hesablamaq üçün kompüter simulyasiyaları aparıblar.

Sosial xərclər hər ton karbon qazı üçün 1056 dollar olacaq, digər son hesablama isə (həmçinin yerli temperatur dəyişikliyinə əsaslanaraq) dəyişən iqlimin qlobal dəyərini ton başına 185 dollar təşkil edib. Beləliklə, xərclər əvvəlki hesablamalarla müqayisədə 5,7 dəfə artacaq.

Poliqon.info