Qazaxıstanın hakim partiyası “Amanat”ın üzvləri ölkə prezidenti Kasım-Jomart Tokayevə Baş nazir postuna namizəd olaraq Oljas Bektenovu təklif ediblər...
Poliqon xəbər verir ki, bu barədə “Kazinform” Agentliyi məlumat yayıb. Qazaxıstan qanunvericiliyinə görə, Tokayev təklif olunan namizədi parlament fraksiyalarının rəhbərləri ilə müzakirə edəcək.
Bektenov 1980-ci ildə Almatıda anadan olub. Qazaxıstan Dövlət Hüquq Akademiyasını bitirib. Almatı şəhərinin Ədliyyə Departamentində şöbənin baş mütəxəssisi, Qazaxıstan Baş nazirinin aparatının hüquq şöbəsinin baş eksperti olub, sonra ölkə prezidentinin aparatında və maliyyə mərkəzi aparatında işləyib.
Baktenov 2022-ci ilin fevralından 2023-cü ilin aprelinə qədər Qazaxıstanın Korrupsiyaya Qarşı Mübarizə Agentliyinə rəhbərlik edib. Ötən ilin aprelində Tokayev onu prezident administrasiyasının rəhbəri təyin edib.
Qeyd edək ki, fevralın 5-də Qazaxıstan hökuməti iki il əvvəl bu vəzifəni alan Baş nazir Əlixan Smailovla birlikdə tam tərkibdə istefa verib. Roman Sklyar baş nazirin səlahiyyətlərini müvəqqəti icra edir.
Poliqon.info