“Qadınları siyasətə gətirmək çox çətindir” - Könül İsmayılova

Müasir Müsavat Partiyasının sədr müavini: “Qadınlar siyasi partiyalara meyil göstərmirlər”.

Millixəbər.az-ın “Mövqe” rubrikasının bu dəfəki qonağı Müasir Müsavat Partiyasının sədr müavini Könül İsmayılova olub. Rubrikanın bu dəfəki mövzusu da aktual və maraqlı olub. Könül İsmayılova ilə müzakirə olunan mövzu “Qadınların ictimai-siyasi həyatdakı rolu” mövzusu olub.

Müasir Müsavat Partiyasının sədr müavini mövzu ilə bağlı maraqlı fikirlər söyləyib. Könül İsmayılova qadınların siyasətdən çəkimdiklərini nəzərə çatdıraraq bildirib ki, siyasət ağır sahə olsa da, qadınlar bu sahəyə gəlməkdən çəkinməməlidirlər.

Qadınların siyasətə gəlişindəki çətinliklərə toxunan jurnalistin sualına cavab olaraq Könül İsmayılova bildirib ki, qadınların çoxu tez ulduz olmaq, tanınmaq, simaya çevrilmək istəyir. O, qadınlara çağırış edərək onları siyasətə gəlməyə çağırıb.

Könül İsmayılova: “Qazilərimizin çox problemləri var”.

Jurnalist 44 günlük müharibə dövründə siyasi partiyaların birlik nümayiş etdirdiyini xatırladaraq deyib ki, Müsavat Müsavat Partiyası da birlik göstərən partiyalar arasında olub. Bununla bağlı Könül xanımın fikirləri maraqlı olub. O bildirib ki, 44 günlük müharibə dövründə onlar da arxa cəbhədə olanlar kimi vuruşublar. Siyasi partiyalarla birlik nümayiş etdirdiklərinə görə qürur duyduqlarını nəzərə çatdıran partiyanın sədr müavini deyib ki, onlar xalqın, dövlətin daim yanındadırlar.

Partiyanın şəhid ailələrinə, qazilərə göstərdiyi diqqətdən danışan Könül İsmayılova qeyd edib ki, onların hər birinin ailələri bizə əmanətdir.

Könül İsmayılova ilə olan müsahibəni daha ətraflı videoda təqdim edirik:

pia.az