Bu, Ermənistan Baş nazirinin bu gün Soçidə verdiyi bəyanatda və Azərbaycana qarşı irəli sürdüyü tələblərdə də özünü göstərdi…
Putinin “Valday” klubunda son çıxışından sonra Ermənistanda bir çoxları ürəkləndirdiyi kimi, Baş nazir Nikol Paşinyanı da cəsarətləndirib. PİA.az xəbər verir ki, Paşinyanın bu gün Soçidə Putinlə görüşdə səsləndirdiyi fikirlər Ermənistan prezidentinin ritorikasının kəskin dəyişdiyindən xəbər verir. Pşainyan nə bundan əvvəl Rusiyada baş tutan, nə də Avropada Şarl Mişelin vasitəçiliyi keçirilən görüşlər öncəsi belə fikirlər səsləndirməmişdi. İndi isə Ermənistan lideri tamamilə fərqli notlarda danışır və Azərbaycana qarşı əsasız tələblər irəlü sürür.
Təbii ki, bu tələblərin heç biri Azərbaycan tərəfindən yerinə yetirilməyəcək. Sadəcə Putinin “Valday”da səsləndirdiyi fikirlər Ermənistana sülh sazişindən yayınmaq üçün yeni impuls yaradır. Bu isə ilin sonua qədər Azərbaycanla Ermənistan arasında yekun sülh sazişinin imzalanmayacağına işarə edir.
Son aylarda Ermənistan Qərbə yaxınlaşaraq Rusiyanı şantaj etməsi prosesini yaşadıq və son nəticədə belə görünür ki, ermənilərin Rusiyaya qarşı tətbiq etdikləri şantaj öz nəticəsini verir. Bu Putinin və Paşinyanın son çıxışlarında da özünü göstərir. Bəs bu nə qədər davam edə bilər və Qərb öz təkliflərinin Ermənistan tərəfindən Rusiyanı şantaj aləti kimi etməsinə və Paşinyanın Qərb limanından ayrılaraq Rusiya və İran limanına yan almasına necə reaksiya göstərəcək.
Təbii ki, Qərbin reaksiyası Soçi görüşünün nəticələrinə uyğun olacaq və bu görüşün ciddi bir nəticəylə bitməsi də heç inandırıcı görünmür. Hər halda bir neçə saatdan sonra biz bu nəticə barədə ilkin məlumata sahib olcağıq. Buna baxmayaraq, Paşinyanın hazırda sərgilədiyi ritorika görüşün uğursuz olacağına işarə edir.
Güman etmək olar ki, Paşinyan da, elə buna görə öz hesabını aparıb. Çünki Soçi görüşünün uğursuzıuğu münaqişə bölgəsində, xüsusən Azərbaycan-Ermənistan sərhədində yeni gərginliklə müşahidə oluna bilər ki, Ermənistanın da ümid yeri elə budur. Hər halda görünən odur ki, Ermənistan diplomatiyası yeni gərginlik fonunda Azərbaycana qarşı regional blok formalaşıdrmağı özünün əsas hədəfi olaraq qarşıya qoyub və bu blokun aparıcı üzvləri təbii ki, Rusiya və İran olacaq. Rusiya hər şeydən əvvəl Qarabağ “kartını” əldən vermək istəmir və bu “kartı” əlində saxlaya bilmək üçün sonuna qədər mübarizə aparacaq.
Bu gün Paşinyanın Putinlə görüşündə Rusiya prezidentinin “Valday” klubunda son çıxışına tez-tez istinad etməsi də onu göstərir ki, Ermənistan üçün son ümid yeri məhz Moskvanın Qarabağ “kartını” öz əlində saxlamaq istəməsi və münaqişənin bitməsinə maraqlı olmamasıdır.
pia.az