2020-ci il seçkilərinə müdaxilə işi üzrə prokurorlar ABŞ-ın keçmiş prezidenti Donald Trampın seçkini pozmağa cəhd edərkən istifadə etdiyi mobil telefonundan məlumatları məhkəməyə təqdim etməyi planlaşdırır...
Poliqon xəbər verir ki, bu barədə Politico qəzeti məhkəmə sənədlərinə istinadən yazır.
Qəzetin yazdığına görə, xüsusi prokuror Cek Smit Trampın 2020-ci il seçkilərini ləğv etməyə çalışdığı həftələrdə telefondan necə istifadə etdiyini nümayiş etdirmək üçün çıxarılmış məlumatları Vaşinqtonda münsiflər heyətinə təqdim etməyi planlaşdırır.
Nəşr qeyd edir ki, məlumatlar istintaqa Trampın Ağ Evdəki son həftələrinin, o cümlədən gündəlik hərəkətləri və Twitter" vərdişləri"nin təfərrüatlarını aşkarlamağa kömək edəcək.
Qəzet vurğulayır ki, ittiham tərəfinin Trampın telefonuna çıxışının həcmi hələ də qeyri-müəyyən olaraq qalır.
6 yanvar 2021-ci ildə Tramp tərəfdarları Konqresi bir neçə saatlıq bağlanaraq Kapitola hücum edib. Etirazçılar binadan qovulduqdan sonra konqresmenlər Co Baydenin prezident seçkilərində qalib gəldiyini təsdiqləyiblər. Daha sonra ABŞ-da yüzlərlə insan hücumda iştirak etmək ittihamı ilə hüquq-mühafizə orqanları tərəfindən həbs edilib. Trampa qarşı dörd maddə üzrə ittiham irəli sürülüb.
Poliqon.info
Digərxəbərlər
Populyar xəbərlər
