Bolqarıstanda məhkəmə mütəşəkkil cinayətkar qrupa rəhbərlik, qətl və qəsb də daxil olmaqla 20-yə yaxın cinayətdə ittiham olunan iş adamı Vasili Bojkovu həbs edib...
Poliqon xəbər verir ki, bu barədə Blitz nəşri məlumat yayıb.
Bojkov avqustun 23-də həlak olan “Vaqner” yaradıcısı Yevgeni Priqojinlə biznes ortağı olub.
İş adamı avqustun 25-də son 3 ildə yaşadığı Dubaydan qayıtdıqdan sonra həbs edilib. Məhkəmə iclasında prokuror həbsin zəruriliyini Bojkovun Yevgeni Priqojinlə elektron poçtla fəal yazışması ilə əsaslandırıb.
Onlar 3 ildən çox əvvəl biznesə başlayıb və Priqojinin ölümünə qədər münasibətləri davam edib. Teleqraf.com-un prokurorluğun materiallarına istinadən verdiyi xəbərə görə, onların ümumi biznesi olub. Bojkov həmçinin Krımda bir oyun şirkətində 51% paya sahib idi.
“Prokurorun verdiyi bu məlumatın hazırda baxılan işə heç bir aidiyyatı yoxdur. Onun əcnəbi şəxslərlə əlaqəsi olduğunu göstərən heç bir fakt və şərait yoxdur”, deyə vəkil Georgi Qatev bildirib.
Müdafiə tərəfi məhkəmənin qərarından apellyasiya şikayəti verəcəyini qeyd edib.
2021-ci ildə Bojkov Bolqarıstan rəsmilərinə rüşvət müqabilində rusiyalı məmurlara təsir kanalı təşkil etməyə cəhd etdiyinə görə ABŞ sanksiyalarına məruz qalıb.
Poliqon.info
Digərxəbərlər
Populyar xəbərlər
