Ermənistanın Baş naziri Nikol Paşinyan bildirib ki, ölkədə “Vaqner” döyüşçülərinin olması ilə bağlı xəbərlərə hüquq-mühafizə orqanları reaksiya verməlidir...
APA "Sputnik Armenia"ya istinadən xəbər verir ki, bu barədə Baş nazir Paşinyan parlamentdə sual-cavab sessiyasında deyib.
"Ermənistanın hüquq-mühafizə orqanları mediada yer alan yazılara cavab verməlidir. Bildiyimə görə, bu, cinayət-prosessual məcəllədə də normadır.
"Telegram" kanallarında belə bir xəbər çıxıb. Milli Təhlükəsizlik Xidməti öz səlahiyyətləri daxilində dərc edilmiş bu məlumatları yoxlayır", - Baş nazir deyib.
O bildirib ki, burada qeyri-adi heç nə yoxdur.
Nikol Paşinyandan "Ermənistanda Rusiyanın təşəbbüsü ilə mümkün inqilab" ilə bağlı hər hansı narahatlığının olub-olmadığı barədə soruşulduqda, hökumət başçısı qeyd edib ki, bunu yalnız Ermənistan xalqı həyata keçirə bilər. "Və bu inqilabı Ermənistan xalqı etdi", - Paşinyan bildirib.
Qeyd edək ki, ötən həftə bir sıra Ermənistanın hökumətyönlü sosial media səhifələrində bu ölkədə guya "Vaqner"in 3000-dək döyüşçüsünün olduğu və yerli qüvvələrin dəstəyi ilə dövlət çevrilişi həyata keçirərək Baş naziri vəzifəsindən uzaqlaşdıracağı barədə məlumatlar yayılıb.
Poliqon.info
Digərxəbərlər
Populyar xəbərlər
