Azərbaycanla sülhün bərqərar olmasına və münasibətlərin nizamlanmasına töhfə verə biləcək üç əsas prinsip razılaşdırılıb...
Poliqon xəbər verir ki, bunu Ermənistanın Baş naziri Nikol Paşinyan oktyabrın 30-da Milli Assambleyada parlamentin daimi komissiyalarının birgə iclasında 2024-cü il dövlət büdcəsi layihəsinin müzakirəsi zamanı bildirib.
Paşinyanın sözlərinə görə, tərəflər bu prinsiplərə əməl etsələr, sülh müqaviləsinin imzalanması reallaşacaq.
“Birinci prinsip ondan ibarətdir ki, Ermənistan və Azərbaycan bir-birinin ərazi bütövlüyünü tanımalıdır. Üstəlik, Ermənistan Respublikasının ərazisinin 29,8 min kvadratkilometr olduğunu qəbul etməklə. Biz isə Azərbaycanın isə 86,600 kv.km ərazisini qəbul edəcəyik”, deyə Paşinyan bildirib.
Ermənistanın Baş naziri sözlərinə görə, ikinci prinsip ondan ibarətdir ki, Alma-Ata Bəyannaməsi, plana görə, dövlət sərhədinin delimitasiyası və gələcək demarkasiyası üçün siyasi əsas olmalıdır.
Üçüncü prinsip bütün regional kommunikasiyaların açılmasıdır. Baş Nazirin fikrincə, bu, suverenliyə, yurisdiksiyaya və qanunvericiliyə qarşılıqlı hörmət prinsipləri əsasında baş verməlidir.
Poliqon.info
Digərxəbərlər
Populyar xəbərlər
