Aqil Rüstəmzadə əminliklə bildirib ki, Rusiyanın genişmiqyaslı hücumu mümkün deyil, çünki işğalçı ölkənin bunun üçün resursları yoxdur…
Azərbaycanlı hərbi analitik Aqil Rüstəmzadə əmindir ki, Rusiya genişmiqyaslı hücuma keçə bilməz, çünki onun döyüşə hazır lazımi sayda yaxşı əlaqələndirilmiş döyüş qrupları yoxdur.
PİA.az xəbər verir ki, azərbaycanlı hərrbi ekspert bu barədə “Alesya Batsman” YouTube kanalında Alesya Batsmana müsahibəsində bildirib.
Rüstəmzadə qeyd edib ki, ruslar artilleriya təchizatında kəskin şəkildə qıtlıq yaşayırlar. Buna görə də, ən pis halda işğalçılar Zaporojye və Donetsk-Luqansk istiqamətlərində eyni vaxtda və ya fasilə ilə iki hücum əməliyyatı keçirə bilərlər.
“Belarusdan hücum etmək üçün isə qoşun lazımdır. Bəs onlar haradadır? Belarusda qoşun yoxdur. Bu, Ukraynada daim fırlanan və fırlanan mifdir və mən bilmirəm ki, ukraynalıların bu mifə inanmamaları üçün kim onları inandırmalıdır”, deyə Rüstəmzadə gülümsəyərək deyib.
Ekspert vurğulayıb ki, Kiyevə doğru irəliləmək üçün ora ən azı 100 min hərbiçi lazımdır və Belarusda belə bir qoşun yoxdur.
Aqil Rüstəmzadə bildirib ki, 2023-cü il həlledici olacaq: “Rusiya həddindən artıq gərgindir”, deyə analitik qeyd edib.
Qeyd edək ki, hərbi analitik Aqil Rüstəmzadə Rusiyanın böyük hücumu ehtimalını bir müddət əvvəl də dəyərləndirərək bildirmişdi ki, Ukrayna Silahlı Qüvvələri 10 briqada ilə Rusiya ordusuna öldürücü zərbə vura bilər.
pia.az