Almaniya kansleri Olaf Şolts Ukrayna hakimiyyətini Moskva ilə sülh danışıqlarına razılıq verməyə məcbur etmək niyyətindədir...
Poliqon xəbər verir ki, bu barədə Politico qəzeti yazıb.
Məqalə müəllifləri qeyd ediblər ki, Almaniya Ukraynaya yardımın həcminə görə ABŞ-dan sonra ikinci ölkədir. Həmçinin ÜDM-ə nisbətdə ölkə 11-ci yerdədir. Nəşr vurğulayır ki, Almaniya daha çox şey edə bilər, çünki onun maliyyə imkanları var, lakin kansler Olaf Şolts bunu bilərəkdən etmir.
Jurnalistlər belə qənaətə gəliblər ki, kansler Ukraynaya hərtərəfli dəstək vermir, çünki Kiyevi tez bir zamanda Rusiya ilə sülh danışıqlarına inandırmaq istəyir.
Bundan əvvəl Politico xəbər vermişdi ki, Olaf Şolts Rusiya ilə qarşıdurmadan qorxduğu üçün Ukraynaya uzaqmənzilli "Taurus" raketlərinin göndərilməsinə qarşıdır. Olaf Şoltsun ideyası ondan ibarətdir ki, Ukraynanı "Taurus" qanadlı raketləri kimi silahlarla təmin etmək Rusiya prezidenti Vladimir Putini qəzəbləndirəcək və o, Almaniyadan qisas alacaq.
Poliqon.info
Digərxəbərlər
Populyar xəbərlər
