“Diqlas” Ticarət Mərkəzinin yerləşdiyi Nizami rayonundan millət vəkili Yeni Azərbaycan Partiyası Nizami rayon təşkilatının sədri Sədaqət Vəliyeva hadisə ilə bağlı açıqlama verib
PİA.az xəbər verir ki, Trend-ə açıqlamasında S. Vəliyeva deyib ki, prezident İlham Əliyev daim vətəndaşlarla ünsiyyətdədir, mütəmadi olaraq cənubdan şimala, qərbdən şərqə bütün rayonlarımızda səfərdə olur, insanların güzəranı ilə maraqlanır, problemlərinin həlli ilə bağlı yerində tapşırıqlar verir:
"Bütün çətin məqamlarda, o cümlədən Zaqatala, Şamaxı və Ağsuda zəlzələlər olanda xalq öz Prezidentini onunla çiyin-çiyinə dayanmış gördü, əlini kürəyində hiss etdi. Biz eyni münasibəti Bakının Nizami rayonundakı ticarət mərkəzində baş vermiş yanğınla əlaqədar proseslərdə də gördük. Prezident tez bir zamanda məsələni nəzarətə götürdü, müşavirə keçirdi, zərər çəkmiş sahibkarlara dövlət dəstəyinin təmin edilməsi üçün müvafiq komissiya yaratdı. Bütün bunlar bir daha göstərdi ki, dövlət hər zaman vətəndaşın yanındadır. Azərbaycan dövləti bu dəfə də vətəndaşlarını darda qoymadı və problemlərinin ağırlıqlarını öz çiyinlərinə götürdü".
Millət vəkili vurğulayıb ki, zərər çəkmiş sahibkarlara dövlət dəstəyinin verilməsi həm də həyata keçirilən sosial siyasətin tərkib hissəsidir: “Bütün deyilənlərlə yanaşı, “Diqlas” yanğını ilə əlaqədar baş vermiş hadisələrdə xalq-Prezident birliyi bu dəfə də Azərbaycan dövlətinin və xalqının düşmənlərinin planlarını pozdu. Zərər çəkmiş sahibkarların və onların ailələrinin, yaxınlarının düşdüyü çətin vəziyyətdən sui-istifadə edib mitinq keçirmək istəyən antimilli ünsürlər yenidən ifşa olundu, bir daha xalqdan ayrı olduqlarını, yalnız korporativ mənafelərini düşündüklərini və insanların taleyinin onları maraqlandırmağını ortaya qoydular".
Qeyd edək ki, yanğında zərərçəkən sahibkarlar ərazidən olan deputatın onların problemi ilə maraqlanmadırlarını bildirmişdilər. Elə bu açıqlamasında da görünür ki, S. Vəliyeva deputat kimi özü heç nə etməyib, yalnız Prezidentin atdığı addımlar haqda danışıb. Onu da bildirək ki, S. Vəliyeva SOCAR prezidenti Rövnəq Abdullayevin yaxın qohumudur.
pia.az