Şolts və Zelenski bu gün Almaniyada görüşəcəklər

Poliqon xəbər verir ki, bu barədə Almaniya hökumətinin sözçüsü France Presse Agentliyinə bildirib. “Der Spiegel” yazır ki, Zelenski həmçinin Ukraynanı dəstəkləyən ölkələrin Frankfurtun cənub-qərbindəki Ramşteyn aviabazasında keçiriləcək toplantısında iştirak edəcək.

İclasa Pentaqonun rəhbəri Lloyd Ostin sədrlik edəcək. Jurnal qeyd edir ki, Ukrayna prezidentinin tədbirdə birbaşa iştirakı yerlərdə vəziyyətin ciddiliyini vurğulamaq məqsədi daşıyır.

Xatırladaq ki, avqustun 6-dan etibarən Kursk vilayətində Ukrayna Silahlı Qüvvələri ilə Rusiya ordusu arasında toqquşmalar davam edir. Ukraynanın bu əməliyyatı İkinci Dünya müharibəsindən sonra Rusiya torpaqlarının ilk işğalıdır. Zelenski Kurs vilayətində Ukrayna qüvvələrinin nəzarət etdiyi əraziləri geri qaytarmağı düşünmədiklərini bildirib.

Poliqon.info