Amerikalı iş adamı İlon Mask hesab edir ki, Avropa İttifaqında (Aİ) demoqrafik böhran qaçılmazdır...
Poliqon xəbər verir ki, iş adamı bu barədə sosial media hesabında yazıb.
“Doğum nisbətləri azalmaqda davam edir. Əhalinin azalması qaçılmazdır”, deyə Mask 1960-cı ildən bəri Aİ ölkələrində rekord aşağı doğum səviyyəsi ilə bağlı statistikanı şərh edib.
Euronews xəbər verir ki, 1960-cı ildən bəri ilk dəfə olaraq Aİ-də diri doğulanların sayı 4 milyondan aşağı düşüb, 2022-ci ildə isə cəmi 3,88 milyon uşaq doğulub. Aİ-də orta doğuş səviyyəsi 1,46-dır ki, bu da dünya üzrə orta göstəricidən 2,27 aşağıdır. Avropada ən aşağı doğum göstəriciləri Malta (1,08), İspaniya (1,16), İtaliya (1,24), Yunanıstan (1,32) və Kiprdə (1,37) qeydə alınıb.
2020-ci ildə Aİ-də təxminən 447,5 milyon insan yaşayıb, lakin bu rəqəm COVID-19 pandemiyasından sonra azalmağa başlayıb. Avropa İttifaqının statistika agentliyi 2100-cü ilə qədər Aİ əhalisinin 27,3 milyon nəfər və ya 6,1% azalacağını proqnozlaşdırıb.
Xatırladaq ki, 2023-cü ildə İlon Mask bildirib ki, aşağı doğum nisbətləri səbəbiylə demoqrafik çöküş sivilizasiya üçün qlobal istiləşmədən daha böyük risk yaradır.
Polqion.info