Kristiano Ronaldo, karyerasında 900 qol vuran ilk insan oldu

Poliqon CNN telekanalına istinadən xəbər verir ki, Ronaldo tarixdə bu mərhələyə çatan ilk futbolçu olub.

Beş dəfə “Qızıl top”un sahibi olan 39 yaşlı Ronaldo ilk hissənin 34-cü dəqiqəsində Nuno Mendesin ötürməsini başla vurduğu qolla Portuqaliyanı dubl edib və oyun 2:1 hesabı ilə başa çatıb.

Bu qol Ronaldonun Portuqaliya millisində 131-ci qolu olub və dünya futbolunda milli komandanın heyətində ən çox qol vurma rekordunu yeniləyib. Klub səviyyəsində 769 qol vuran Portuqaliya millisinin kapitanı tarixdə rəsmi matçlarda 900 qol həddinə çatan ilk futbolçu olub.

2021-ci ildə Ronaldo tarixdə klub və ölkə üçün 800 qol vuran ilk futbolçu olub. Onun əzəli rəqibi Lionel Messi 842 qolla ikinci, əfsanəvi Pele isə 765 qolla üçüncü yerdədir.

Ronaldo klub karyerasına Portuqaliya “Sportinq”ində başlayıb, sonra 2003-cü ildə “Mançester Yunayte”ə keçib. İngiltərədə altı mövsüm keçirdikdən sonra o, “Real Madrid”ə keçib və burada doqquz il ərzində 438 matçda 450 qol vurub. İtaliyanın “Yuventus” klubunda iki il qaldıqdan sonra Ronaldo 2021-ci ildə “Mançester Yunayted”ə qayıdıb, burada 2023-cü ilə qədər oynayıb və sonra karyerasını Səudiyyə Ərəbistanının “Əl-Nəsr” klubunda davam etdirib. 2024-cü ilin avqustunda Kristiano Ronaldo Çempionlar Liqası tarixinin ən yaxşı bombardiri kimi xüsusi mükafat alıb.

Poliqon.info