Rusiyanın sabiq prezidenti Dmitri Medvedev BCM hakimləri və prokurorlarına Putini həbs etməyə cəhd etməmək barədə xəbərdarlıq edib...
Rusiya Təhlükəsizlik Şurasının sədr müavini Dmitri Medvedev Avropa İttifaqı və Ukraynanın Monqolustanda olan Rusiya prezidenti Vladimir Putini həbs etmək çağırışlarını kəskin tənqid edib.
Poliqon xəbər verir ki, rusiyalı siyasətçi bu barədə özünün Telegram kanalında çıxış edib.
“Əgər mən bu yarımçıq “məhkəmə”nin hakimləri və prokurorları olsaydım, ən böyük qorxum o olardı ki, dəlilərdən biri onların qanunsuz əmrini yerinə yetirməyə cəhd etsin”, deyə Medvedev yazıb.
Siyasətçinin fikrincə, order icra olunarsa, bu “dəlilərin” həyatı “tualet kağızından” baha başa olmayacaq.
Xatırladaq ki, sentyabrın 2-də Putin ilk dəfə BCM-nin yurisdiksiyasını tanıyan Monqolustana səfər edib. Səfər öncəsində Avropa İttifaqı və Ukrayna Monqolustanı Putini həbs etməyə çağırıb.
Avropa Xarici Fəaliyyət Xidmətinin sözçüsü Nabila Massrali sentyabrın 2-də keçirdiyi brifinqdə deyib ki, Ulan-Bator BCM qarşısında öhdəliklərinə əməl etməlidir. Avqustun 30-da Ukrayna Xarici İşlər Nazirliyi də Rusiya prezidentinin Monqolustanda saxlanmasını tələb edib.
Poliqon.info