Nümayəndələr Palatasının Kəşfiyyat Komitəsinin üzvü, Konnektikutdan olan demokrat Cim Himes Donald Trampın seçkilərdə qələbəsinin ölkənin milli təhlükəsizliyinə təsir edəcək xarici siyasət nəticələri barədə xəbərdarlıq edib...
Poliqon xəbər verir ki, bu barədə Politico yazıb.
"Demokratların qalib gəlməsini istəmək üçün milli təhlükəsizlik səbəbi var və bu milli təhlükəsizlik səbəbi Donald Trampın prezidentliyinin müttəfiqlərimiz qarşısında öhdəliklərimizdən imtina edəcəyimiz bir prezidentlik olmasıdır", deyə Himes bildirib.
Onun fikrincəd, Donald Trampın avtokratlar üçün qəribə, maqnit cəlbediciliyi var. Konqresmen xəbərdarlıq edib ki, respublikaçı qalib gəlsə, çox güman Ukraynaya dəstəyini dayandıracaq və Vaşinqtonun avropalı müttəfiqlərindən əl çəkəcək.
Bundan əvvəl Tramp bildirib ki, noyabrda keçiriləcək seçkidə qalib gəlsə, dərhal Rusiya liderləri Vladimir Putin və Ukrayna lideri Volodimir Zelenski ilə şəxsən əlaqə saxlayacaq, onları danışıqlara başlamağa çağıracaq. Keçmiş prezident hətta 24 saatda münaqişəni bitirəcəyini vəd edib.
O, həmçinin seçkilərdə qalib gələcəyi təqdirdə Çinlə münasibətləri yaxşılaşdıracağına söz verib. Bundan başqa Tramp avropalı müttəfiqlərin müdafiə və Ukraynaya daha çox pul ayırmağa məcbur edəcəyini deyib. Bildirib ki, əks halda ABŞ onları müdafiə etməyəcək
Poliqon.info