ABŞ-ın xüsusi prokuroru Cek Smit Florida məhkəməsinin ABŞ-ın keçmiş prezidenti Donald Trampa qarşı məxfi sənədlərlə düzgün rəftar edilməməsi ilə bağlı cinayət işini rədd edilməsi qərarından apellyasiya şikayəti verib...
Poliqon xəbər verir ki, xüsusi prokuror Smitin şikayətinə Atlantadakı 11-ci ABŞ Dairə Apellyasiya Məhkəməsi baxacaq.
Qeyd edək ki, iyulun 15-də Florida federal dairə məhkəməsi xüsusi prokuror Cek Smitin təyin edilməsi ABŞ Konstitusiyasının müddəasını pozduğu üçün Donald Trampın cinayət işi üzrə bütün ittihamları rədd etmək qərarına gəlib. Məhkəmə müəyyən edib ki, Smit qanuni əsas olmadan Xəzinədarlıqdan maliyyələşdirilib.
Xatırladaq ki, Donald Tramp 2023-cü ilin iyununda məxfi sənədlərlə işləmə qaydalarını pozmaqda ittiham olunub. İş materiallarında deyilir ki, o, 2021-ci ildə prezidentlikdən getdikdən sonra məxfi sənədləri Ağ Evdən çıxarıb və Floridadakı Mar-a-Laqo iqamətgahında saxlayıb. Sənədlər 2022-ci ilin avqustunda FTB-nin axtarışları zamanı aşkar edilib.
Poliqon.info
Digərxəbərlər
Populyar xəbərlər
