Co Bayden dörd sözlə Trampla növbəti debat strategiyasını açıqlayıb...
ABŞ prezidenti Co Bayden kampaniya donorları ilə telefon danışığında onları Demokratların namizədi olacağına inandırıb, həmçinin rəqibi Donald Trampla növbəti debat üçün strategiyasını açıqlayıb.
Poliqon xəbər verir ki, bu barədə Ağ Evin mətbuat xidməti məlumat yayıb.
“Demokrat Partiyası öz sözünü deyib. Demokratların namizədi mənəm. Mən isə partiyadan namizəd olacam. Heç yerə getməyəcəyəm. Mən axıra qədər bu işdəyəm və mən qalib olacağam”, deyə Bayden Demokrat Partiyasının sposorlarına bildirib.
Bayden növbəti debat üçün strategiyasının dörd sözdən ibarət olacağını söyləyib: “Hücum, hücum, hücum, hücum”.
Bayden seçki yarışını tərk etməklə bağlı çağırışları elitanın onu hakimiyyətdən uzaqlaşdırmaq cəhdi adlandırıb və əlavə edib ki, ABŞ Demokratlar Partiyasının yuxarı təbəqəsinin davranışından məyus olub. Prezident həmçinin qeyd edib ki, kampaniyasında “orta” seçicinin dəstəyinə ümid edir.
Poliqon.info