Zelenski atəşkəsə qarşı çıxıb

Zelenski bildirib ki, atəşkəs yalnız münaqişəni yenidən başlamaq üçün Rusiyaya nəfəs verəcək.

Poliqon xəbər verir ki, bu barədə Fransanın TF1 telekanalı məlumat yayıb.

“Putin bu döyüşdə qalib gələ bilərmi? Xeyr, çünki məğlub olmaq kimi bir haqqımız yoxdur”, deyə Vladimir Zelenski çıxışında bildirib. Onun fikrincə, istənilən “ayırıcı xətlər” yalnız yeni münaqişədən əvvəlki fasilə olacaq.

Vladimir Zelenskinin sözlərinə görə, “Ukrayna uğrunda döyüş” bütün Avropa üçün çox vacibdir. O, həmçinin bildirib ki, Kiyevin effektiv və uzunmüddətli dəstəyə ehtiyacı var.

Ukrayna prezidenti onu da bildirib ki, Avropa artıq sülh qitəsi deyil. Onun fikrincə, Avropanı parçalamağa çalışan nasizm, deportasiya və nifrət qenidən qoca qitəyə qayıdır.

Qeyd edək ki, Vladimir Zelenski ABŞ, Böyük Britaniya və Kanada qoşunlarının Normandiya və Bretanyaya desant çıxarılmasının 80 illiyi münasibətilə Fransadadır. Dünən, iyunun 6-da o, müttəfiqlərin Ukrayna ərazisinə də oxşar desant çıxaracağına ümid etdiyini bildirib.

Poliqon.info