Rusiya Silahlı Qüvvələrinin Ukraynanın Xarkov vilayətinin Çerkaska Lozova kəndini atəşə tutması nəticəsində ölənlərin sayı beşə çatıb...
“Report” xəbər verir ki, bu barədə Xarkov vilayətinin polisi məlumat yayıb.
Bildirilib ki, ölən beş nəfərdən biri yeddiaylıq hamilə qadındır. Qeyd olunub ki, hadisə Çerkaska Lozova kəndindəki istirahət mərkəzində olub. Məlumata görə, Rusiya Silahlı Qüvvələri ərazini “İskander” raketi ilə atəşə tutublar.
Eyni zamanda, olayda biri 8 yaşlı uşaq olmaqla 16 nəfərin yaralandığı diqqətə çatdırılıb. Yaralılardan səkkizi ağır vəziyyətdədir.
***
Rusiya aviasiyasının Xarkova endirdiyi aviazərbələr nəticəsində 2 nəfər ölüb, 13 nəfər isə yaralanıb.
APA-nın xəbərinə görə, bunu Xarkovun hərbi administrasiya rəhbəri Oleq Sinequbov məlumat verib.
Qeyd edək ki, Xarkovun Təcili Yardım Xidmətinin direktoru Viktor Zabaşta yaralı şəxslərin hamısında kontuziya və bədənin müxtəlif nahiyyələrində sınıqların olduğu barədə açıqlama verib.
Poliqon.info
Digərxəbərlər
Populyar xəbərlər
