Rusiya prezidentinin köməkçisi Yuri Uşakov Vladimir Putinlə Si Tsipin arasında Ukrayna ilə bağlı keçən qeyri-rəsmi görüşdən danışıb...
Poliqon xəbər verir ki, Uşakov bu barədə “Rossiya” telekanalının jurnalisti Pavel Zarubinə bildirib. Putinin köməkçisinin sözlərinə görə, Rusiya və Çin başçıları Ukrayna mövzusunu təkbətək formatda çox ətraflı müzakirə ediblər.
“Bilirsiniz, çox detallı müzakirələr olub. Görüş təkbətək formatda idi”, deyə Uşakov jurnalistə bildirib.
Qeyd edək ki, qeyri-rəsmi görüş dünən Pekində “Şjunnanhay” Hökumət İqamətgahında bağlı qapılar arxasında baş tutub. Ümumilikdə Vladimir Putin və Si Tsinpin gün ərzində müxtəlif formatlarda birlikdə təxminən 12 saat vaxt keçiriblər.
Çin Xalq Respublikasının sədri bildirib ki, Ukrayna böhranının əsaslı həlli yeni balanslaşdırılmış və davamlı təhlükəsizlik arxitekturasının yaradılması demək olacaq. Vladimir Putin də Çinin obyektiv və ədalətli mövqeyini yüksək qiymətləndirdiyini bildirib. Putinin sözlərinə görə, Moskva münaqişənin danışıqlar yolu ilə həllinə sadiqdir və bu məsələdə Pekinlə əlaqələri davam etdirəcək.
Poliqon.info
Digərxəbərlər
Populyar xəbərlər
