Putinin Çinə nə zaman səfəri nə zaman baş tutacaq?

Poliqon xəbər verir ki, bu barədə Bloomberg Agentliyi mənbəyə istinadən məlumat yayıb. Agentlik Vladimir Putinin bu səfərdən Rusiya-Çin ticarətini artırmaq üçün istifadə edəcəyini gözləyir.

Qeyd edək ki, Vladimir Putin sonuncu dəfə ötən ilin oktyabrında “Bir kəmər, bir yol” forumu çərçivəsində Çinə səfər etmişdi. Aprelin sonunda Vladimir Putin may ayında Çinə səfər etmək planlarını təsdiqləsə də, dəqiq tarixlər verilməyib. Prezidentin mətbuat katibi Dmitri Peskov Bloomberg-ə bildirib ki, səfərin dəqiq tarixləri daha sonra açıqlanacaq.

Bloomberg qeyd edir ki, Vladimir Putinin səfəri onun mayın 7-də inauqurasiyasından sonra və Çin sədri Si Cinpinin Avropaya səfərindən sonra baş tutacaq. Mayın 5-dən mayın 10-dək planlaşdırılmış Avropa səfəri çərçivəsində Çin lideri Fransa, Serbiya və Macarıstana səfər edəcək.

Bloomberg-in məlumatına görə, Vladimir Putin səfəri zamanı iki ölkə arasında martda 16% azalan ticarət həcminin artırılmasının zəruriliyi məsələsini qaldıra bilər. Həmçinin, nəşr qeyd edir ki, onun səfəri Çin banklarının Rusiya müştəriləri ilə işləməsi qaydalarının sərtləşdirilməsi fonunda baş tutacaq. Qeyd edək ki, 2023-cü ilin dekabrında Aİ sanksiyalarının 12-ci paketinin tətbiqindən sonra Çin bankları ödənişləri qəbul etməkdən imtina etməyə başlayıblar.

Bundan əlavə, aprelin sonunda ABŞ dövlət katibi Entoni Blinken Çinə üç günlük səfər edib. Amerikalı bir rəsmi görüşlərdə Pekini hədələyib və bildirib ki, əgər ölkə Rusiyaya ikili təyinatlı malların tədarükünü dayandırmasa, ABŞ Çinə qarşı yeni sanksiyalar tətbiq edəcək. Çin Xarici İşlər Nazirliyi ABŞ-ı ikiüzlülükdə ittiham edərək cavab verib.

Poliqon.info