Bayden konqres liderləri ilə Ukrayna və İsrailə yardımı müzakirə edir

Poliqon xəbər verir ki, bu barədə Ağ Evdən yayılan məlumatda bildirilib. CNN telekanalın məlumatına görə Bayden Senatda çoxluq və azlıq liderləri Çak Şumer və Mitç Makkonel, Nümayəndələr Palatasının spikeri Mayk Conson və Nümayəndələr Palatasında azlığın lideri Hakim Cefris ilə danışıb.

“Prezident Nümayəndələr Palatasının milli təhlükəsizlik üçün əlavə maliyyə tələbini qəbul etməsinin təcili ehtiyacını müzakirə edib”, Ağ Evin bəyanatında deyilir.

Xatıeladaq ki, Konqres 2023-cü ilin payızından bəri müttəfiqlər üçün yardım paketi ilə bağlı razılığa gələ bilmir. Nümayəndələr Palatasının sədri daha əvvəl bildirmişdi ki, bu həftə Ukrayna və İsrailə yardım haqqında qanun layihəsi müzakirəyə çıxarıla bilər.

Qeyd edək ki, Baydenin konqres liderləri ilə danışıqları İranın İsrailə hücumu fonunda baş tutub. Aprelin 14-nə keçən gecə İsrail ərazisinə 300-dən çox pilotsuz təyyarə və raket buraxılıb. İran bunu Dəməşqdəki konsulluğuna hücuma cavab adlandırıb. İsrail infrastruktura az ziyan vurmaqla hədəflərinin 99%-dən çoxunun ələ keçirildiyini bildirib.

İran öz məqsədlərinə çatdığını bildirir.

Poliqon.info