Fransa prezidenti: Davamlı sülhə nail olmaq üçün Krım Ukraynanın bir hissəsi kimi tanınmalıdır...
Poliqon “Newsweek” portalına istinadən xəbər verir ki, bunu Fransa prezidenti Emmanuel Makron Almaniya və Polşa liderləri ilə görüşdən əvvəl müsahibəsi zamanı deyib.
“Biz Ukraynanın Rusiyanı məğlub etməsinə kömək etmək üçün əlimizdən gələni edirik. Əgər suverenlik olmasa, Ukraynanın beynəlxalq səviyyədə tanınmış sərhədlərinə, o cümlədən Krım geriyə qayıtmasa, davamlı sülhdən söhbət gedə bilməz”, deyə Makron qeyd edib.
Fransa lideri vurğulayıb ki, Rusiya Ukraynadakı münaqişədə qalib gəlsə, Avropaya inam sıfıra enəcək. Eyni zamanda Makron qeyd edib ki, bu gün Rusiya Fransanın rəqibidir.
“Biz Rusiyaya qarşı müharibə aparmırıq, biz Ukraynanı dəstəkləyirik”, deyə siyasətçi fikrini yekunlaşdırıb.
Makron həmçinin bildirib ki, belə bir zərurət yaranarsa, Fransa Rusiya ilə qarşı-qarşıya qalacaq.
Poliqon.info