ABŞ Konqresinin Nümayəndələr Palatasının Çin üzrə Komitəsinin rəhbəri Mayk Qallaqerin başçılıq etdiyi nümayəndə heyəti Tayvana gəlib...
Poliqon xəbər verir ki. bu barədə Reuters Agentliyi məlumat yayıb. Səfər zamanı beş qanunvericidən ibarət nümayəndə heyəti prezident Tsay İnq-ven və vitse-prezident Lai Qingde ilə görüşəcək.
“Tayvan dünyaya dəfələrlə Çin Kommunist Partiyasının zorakılığına necə müqavimət göstərəcəyini və nəinki sağ qalacağını, həm də inkişaf edəcəyini göstərdi”, deyə Mayk Qallaqer bildirib.
Reuters qeyd edir ki, 2023-cü ilin dekabrında cənab Qallaqerin rəhbərlik etdiyi komitə ABŞ-ın Çinlə iqtisadi əlaqələrinin bərpası üçün tövsiyələrin geniş siyahısını dərc edib. Qallaqer bildirib ki, bu sənəd ABŞ-a Çinin “iqtisadi vassalı” olmağa imkan verməyəcək.
ABŞ-ın Taypeydəki səfirliyindən verilən açıqlamaya görə, nümayəndə heyəti fevralın 24-dək Tayvanda qalacaq. Səfərlər zamanı qanunvericilər ikitərəfli münasibətlər, ticarət və investisiya, eləcə də regional təhlükəsizlik məsələlərini müzakirə etmək niyyətindədirlər.
Poliqon.info