NBC News: Bayden Ukrayna ilə bağlı təkbətək görüşdən yayınır...

Poliqon xəbər verir ki, bu barədə Consona yaxın mənbəyə istinadən NBC News telekanalı məlumat yayıb. Telekanal qeyd edir ki, Bayden hələ də danışıqlara razılıq verməyib.

Mənbə bildirib ki, Conson və onun əməkdaşları Ağ Evin yüksək rütbəli rəsmiləri vasitəsilə artıq bir neçə dəfə Baydenlə görüş istəyiblər. Tələblər Consonun yerli və federal hakimiyyət orqanları arasında qarşıdurmanın baş verdiyi Texasdakı ABŞ sərhədinə səfərindən sonra gəlməyə başlayıb.

Görüş üçün ən son sorğu bir həftə əvvəl gəlib və bu təklif qanunvericilik paketində irəliyə doğru ümumi yol tapılması ilə bağlı olub.

Qeyd edilir ki, Baydenin Konqresdə irəli sürdüyü qanun layihəsi Ukraynaya dəstək üçün 60,06 milyard dollar, İsrail üçün 14,1 milyard dollar, Qırmızı dəniz münaqişəsi ilə əlaqədar ABŞ Mərkəzi Komandanlığına 2,44 milyard dollar və “Çinin təcavüzü ilə üzləşən Hind-Sakit Okean regionunda ABŞ tərəfdaşlarına dəstək” üçün 4,83 milyard dollar daxildir.

Fevralın 13-də qanun layihəsi 70 senatorun (29-u əleyhinə çıxıb) dəstəyi ilə qəbul edilib.

Conson Senatın dəstəklədiyi qanun layihəsini tənqid edib və israr etməkdə davam edir ki, istənilən yardım paketi ABŞ-ın sərhəd siyasətində böyük dəyişikliklərlə müşayiət olunmalıdır. Qanun layihəsinin qəbul edilmiş variantında immiqrasiya islahatları üçün vəsait nəzərdə tutulmayıb.

Poliqon.info