Macarıstanın baş naziri Viktor Orban Ukraynadakı münaqişənin həllində Çinin rolunu dəyərləndirib...
Çin Ukraynadakı münaqişənin sülh yolu ilə həllinə şərait yaratmağa qadir olan əsas gücə çevrilib.
Poliqon xəbər verir ki, bunu Macarıstanın baş naziri Viktor Orban X sosial şəbəkəsindəki səhifəsində yazıb.
“Çin Rusiya-Ukrayna münaqişəsində sülh üçün şərait yaradan əsas gücdür”, deyə Macarıstanın baş naziri paylaşımında qeyd edib.
Qeyd edək ki, bu gün Macarıstanın baş naziri Çin lideri Si Tsinpinlə görüşmək üçün Pekinə gəlib və iddialara görə onun bu səfəri Çin üçün gözlənilməz olub, lakin Pekin Macarıstan Nazirlər Kabinetinin rəhbərinin səfərinə böyük əhəmiyyət verdiyini açıqlayıb.
Xatırladaq ki, iyulun 5-də Orban Rusiyaya səfər edib və Putinlə görüşüb. Bundan əvvəl ilə Kiyevə gedən Orban orada Zelenski ilə bir araya gəlib.
Avropa İttifaqı Macarıstanı bu səfərə görə kəskin tənqid etdi və Almaniya bu ölkədən Aİ Şurasının sədri vəzifəsindən istefa verməsini tələb edib.
Poliqon.info