Orban Çinin Ukrayna ilə bağlı sülh təşəbbüsünü yüksək qiymətləndirib

Macarıstan Çinin Ukrayna münaqişəsi ilə bağlı sülh təşəbbüsünü yüksək qiymətləndirir.

Poliqon “Origo” portalına istinadən xəbər verir ki, bunu Macarıstanın baş naziri Viktor Orban Çin prezidenti Si Tsinpinlə danışıqlar zamanı deyib.

“Çinin dünyada müharibənin deyil, sülhün olmasını israr etməsi bizim üçün çox vacibdir. Macarıstanla qonşu olan münaqişəyə gəlincə, biz də sizin sülh təşəbbüsünüzü yüksək qiymətləndiririk”, deyə Macarıstan lideri Si Tsinpinə bildirib.

Qeyd edək ki, iyulun 8-də Orban Pekinə gəlib. Çin Xarici İşlər Nazirliyinin məlumatına görə, Orban Si Tsinpinlə ümumi maraq doğuran məsələləri müzakirə edib. Siyasətçilər Pekində Diaoyutai Dövlət İqamətgahında görüşüblər.

Bundan əvvəl Macarıstanın baş naziri bildirib ki, o, Rusiya prezidenti Vladimir Putinə Moskvada görüş zamanı Ukraynada müvəqqəti atəşkəs imkanlarını nəzərdən keçirməyi təklif edib.

Poliqon.info