İsrail Müdafiə Qüvvələrinin (IDF) Qəzza zolağının cənubunda, Misirlə sərhəddə yerləşən Rəfah şəhərinə endirdiyi hava zərbələri nəticəsində 60 nəfər həlak olub...
Poliqon xəbər verir ki, bu barədə CNN telekanalı Qızıl Ayparaya istinadən məlumat yayıb.
Ölənlərlə bağlı məlumatlar müxtəlifdir: “Əl-Cəzirə” telekanalı Fələstin Səhiyyə Nazirliyinə istinadən 50 qurbanın olduğunu bildirib. “Əl-Mayadeen” telekanalı adı açıqlanmayan mənbələrə istinadən 100 nəfərin öldüyünü bildirib. Qızıl Aypara Cəmiyyətinin məlumatına görə, Rəfah İsrail Hərbi Hava Qüvvələrinə məxsus təyyarələrin intensiv atəşinə məruz qalıb. Helikopterlər də şəhərin sərhəd rayonlarını atəşə tutub.
İsrail ordusu Əl-Şabur bölgəsindəki Rəfaha zərbələr endirdiyini təsdiqləyib. İsrail ordusu hücumun hədəfi olaraq HƏMAS yaraqlılarını göstərir. İsrail həlak olanların sayı ilə bağlı açıqlama verməyib.
Fevralın 9-da İsrailin Baş naziri Benyamin Netanyahu Rəfahda hərbi əməliyyata başlamaq planlarını açıqlayıb. İlk zərbələr bu gecə, fevralın 12-də həyata keçirilib. Eyni zamanda, hücumun yeni mərhələsi başlamazdan əvvəl baş nazir şəhər sakinlərinin təxliyyəsini təmin edəcəyinə söz verib.
Poliqon.info
Digərxəbərlər
Populyar xəbərlər
