ABŞ prezidenti Co Bayden Türkiyə prezidenti Rəcəb Tayyib Ərdoğanı ABŞ-a səfərə dəvət edə bilər...
Poliqon xəbər verir ki, bu barədə Türkiyənin “Hürriyet” qəzeti məlumat yayıb.
“Türkiyə-Amerika münasibətlərində böhran yoxdur. Türkiyə Finlandiya və İsveçin NATO-ya daxil olmasını təsdiqlədikdən sonra Türkiyə-Amerika münasibətlərindəki ab-hava dəyişib. İş o yerə çatıb ki, biz F-16-nın Türkiyəyə satışının təsdiq edilib-edilməyəcəyi barədə danışarkən ABŞ bizim F-35 layihəsinə qayıtmağımız məsələsini gündəmə gətirib”, deyə nəşr yazır.
Qəzet qeyd edir ki, ABŞ öz “xoş niyyəti” ilə daha da irəli gedərsə və təklif irəli sürərsə, yeni vəziyyət yaranacaq.
“Ankara bu vəziyyəti gözardı edə bilməz. Türkiyə ilə ABŞ arasında münasibətlərin gedişində bir məqam var ki, onu da nəzərdən qaçırmaq olmaz. NATO-nun genişlənməsi prezident Bayden üçün “qırmızı bayraq” idi. Biz bunu dəstəklədik, amma bu, təmənnasız dəstək olmadı. Bu məsələnin digər tərəfində ABŞ-ın Yaxın Şərqdə Türkiyəyə ehtiyacı var. Bayden seçkiyə gedən yolda İraq və Suriyadan qoşunların çıxarılmasını müzakirə edir. Bu vəziyyətdə ABŞ-ın Türkiyəyə ehtiyacı var. Əslində, bu vəziyyət ABŞ-dakı ehtiyacımızdan da böyükdür. Prezident Baydenin Ərdoğanı ABŞ-a səfərə dəvət etməsi Türkiyə-ABŞ münasibətlərində “yaz havasını” taclandıracaqmı? Niyə də yox?” deyə “Hürriyet” yazır.
Poliqon.info
Digərxəbərlər
Populyar xəbərlər
