ABŞ-ın Alabama ştatında ölkə tarixində ilk dəfə məhbus azot qazından istifadə edilərək edam edilib...
Poliqon xəbər verir ki, bu barədə Associated Press Agentliyi məlumat yayıb. Səlahiyyətlilər hesab edir ki, bu üsul digər edam üsullarından daha humanistdir. Hüquq müdafiəçiləri bunu “qəddar və eksperiment” adlandırıblar.
AP-ın məlumatına görə, 58 yaşlı Kennet Yucin Smit yanvarın 25-də saat 20:25-də Alabama həbsxanasında dünyasını dəyişib. Məhbusun oksigen aclığına səbəb olmaq üçün təmiz azotun verildiyi maska taxılıb. Edam 22 dəqiqə davam edib.
Alabama qubernatoru Kay İvey deyib ki, edam 1988-ci ildə Kennet Yucin Smitə muzdlu qətlə görə verilən cəzadır. Ştatın baş prokuroru Stiv Marşall azotla edamın “effektiv və humanist üsul” olduğunu sübuta yetirməyə çalışıb.
Edamdan əvvəl Kennet Yucine Smitin vəkilləri iddia ediblər ki, dövlət məhbusu Konstitusiyanın qəddar cəza ilə bağlı qadağanını pozan eksperiment üçün sınaq subyekti edib. ABŞ Ali Məhkəməsinin hakimi Sonia Sotomayor seçilmiş edam üsulu ilə razılaşmadığını bildirib və belə bir metodun insanları konstitusiyaya zidd ağrı riskə məruz qoyduğunu” bildirib.
Poliqon.info
Digərxəbərlər
Populyar xəbərlər
