Co Baydenin administrasiyası ABŞ Konqresinə məktub göndərərək Türkiyəyə F-16 qırıcılarının satışını dərhal təsdiqləməyə çağırıb...
Poliqon xəbər veror ki, bu barədə Reuters Agentliyi ABŞ rəsmilərinə istinadən məlumat yayıb. Mənbənin sözlərinə görə, Bayden Türkiyə İsveçin NATO-ya üzvlük ərizəsini ratifikasiya prosesini başa vuran kimi qırıcı təyyarələrin satışı prosesinə başlamaq niyyətindədir.
Reuters-in məlumatına görə, məktubda Bayden administrasiyası F-16 qırıcılarının (sayı göstərilməyib) satışının təsdiqlənməsini və onlar ehtiyat üçün dəstlərin 20 milyard dollara təkmilləşdirilməsini tələb edir.
Dövlət Departamentinin mətbuat xidmətinin rəhbəri Vedant Patel yanvarın 24-də keçirdiyi brifinqdə F-16-ların Türkiyəyə mümkün tədarükünün təfərrüatlarını açıqlamaqdan imtina edib.
“Konqres silah satışlarının nəzərdən keçirilməsində əsas rol oynayır, lakin mən Konqresə rəsmi məlumat verilməyənə qədər təklif olunan silah satışı və ya təhvillərini təsdiq etməyəcəyəm”, deyə Patel bildirib.
Qeyd edək ki, Türkiyə parlamenti yanvarın 23-də İsveçin NATO-ya üzvlüyünün ratifikasiyasını səs çoxluğu ilə təsdiqləyib. Daha sonra sənəd imzalanmaq üçün prezident Rəcəb Tayyib Ərdoğana göndərilib.
İsveçin NATO-ya üzvlüyünə qoyulan vetonun aradan qaldırılmasının şərtlərindən biri də Ankaraya Amerika qırıcılarının tədarükü idi: hələ 2021-ci ilin oktyabrında Türkiyə ABŞ-dan mövcud hərbi təyyarələri üçün 40 F-16 qırıcısı və 79 modernləşdirmə dəsti almağı xahiş etmişdi.
Amerikalı qanunvericilər daha sonra Türkiyədə insan haqlarının pozulmasını əsas gətirərək onların satışını əngəlləyiblər. 2023-cü ilin dekabrında Co Bayden Rəcəb Tayyib Ərdoğanla söhbətində Konqresə təzyiq göstərəcəyini və qanunvericiləri F-16-nın satışını təsdiqləməyə inandıracağını vəd etmişdi.
Poliqon.info