Polşanın milli müdafiə naziri Vladislav Kosiniyak-Kamış bildirib ki, NATO ölkələri Rusiya ilə münasibətlərdə istənilən ssenariyə hazır olmalıdırlar...
Poliqon xəbər verir ki, bunu Polşanın müfafiə naziri “Bild” nəşrinin Almaniya Müdafiə Nazirliyinin NATO ilə Rusiya arasında mümkün müharibə ssenarisi hazırladığına dair məlumatını şərh edərkən deyib.
"Biz istənilən ssenariyə hazır olmalıyıq", deyə Kosiniak-Kamış “Polsat” telekanalına müsahibəsində bildirib. O, əlavə edib ki, hökumət Polşa ordusunun modernləşdirilməsi istiqamətində səylərini davam etdirəcək. 2024-cü ildə ölkənin Müdafiə Nazirliyinin büdcəsi 20% artaraq 119 milyard zlotiyə (29,5 milyard dollar) çatacaq.
Qeyd edək ki, “Bild” nəşri Almaniya Müdafiə Nazirliyinə istinadən Rusiya ilə NATO arasında müharibənin 2025-ci ilin yayında başlaya biləcəyini yazıb.
Poliqon.info