Rusiya üç-beş il ərzində NATO ölkələrinin şərq cinahı üçün yenidən ciddi təhlükə yaradacaq...
Poliqon xəbər verir ki, bunu Estoniyanın Baş naziri Kaya Kallas The Times” qəzetinə müsahibəsində bildirib. Nəşrin yazdığına görə, NATO-da Ukraynada ehtimal olunan atəşkəsdən sonra “rus qoşunlarının öz sərhədlərində canlanması” ilə bağlı narahatlıq artır.
“Kəşfiyyatımızın hesablamalarına görə, bu, üç-beş ildən sonra baş verəcək, bu, bizim Ukrayna ilə bağlı mövqeyimizin birliyini nə qədər qoruyub saxlamağımızdan çox asılı olacaq”, deyə xanım Kallas müvafiq sualı cavablandırarkən bildirib.
Baş nazir hesablamalarında Estoniya Xarici Kəşfiyyat Departamentinin hesabatına istinad etdiyini açıqlayıb. Bu kəşfiyyat hesabatı Ukraynada hərbi münaqişə zamanı tərəflərin atəşkəs barədə razılığa gələ biləcəyi ssenariyə əsaslanır.
Estoniya höküməti hesab edir ki, bu halda onların ölkəsi və iki qonşu Baltikyanı ölkə “NATO-nun ən həssas hissəsinə” çevriləcək. Kaya Kallas vurğulayıb ki, Baltikyanı ölkələrin nöqteyi-nəzərindən Rusiya hələ də bizim regionda real hərbi təzyiq göstərmək üçün kifayət qədər gücə malikdir.
Qeyd edək ki, Çexiya prezidenti Petr Pavel də NATO-nun Rusiyanı Avropa üçün bir nömrəli təhlükə hesab etdiyini bildirib. Bundan başqa “Bild” nəşri əldə etdiyi gizli sənədlərə əsasən yazıb ki, Almaniya Müdafiə Nazirliyi NATO ilə Rusiya arasında 2025-ci ilin yayında başlaya biləcək mümkün müharibə ssenarisini hazırlayıb.
Poliqon.info
Digərxəbərlər
Populyar xəbərlər
