İsrail hakimiyyəti Qəzza zolağında Xan Yunis şəhərinin mərkəzi və cənub hissəsindən mülki əhalinin təxliyəsi barədə göstəriş verib...
Poliqon xəbər verir ki, bu barədə BMT-nin Humanitar Məsələlərin Əlaqələndirilməsi İdarəsi (OCHA) məlumat yayıb.
OCHA-nın məlumatına görə, bu ərazidə əvvəllər Fələstin anklavının şimalını tərk etməli olmuş 141 mindən çox insan məskunlaşan 32 sığınacaq var.
Qeyd edək ki, oktyabrın 7-də Fələstin radikal HƏMAS hərəkatının minlərlə silahlı tərəfdarının Qəzza zolağından İsrailə daxil olması, dinc sakinlərə hücum etməsi və 200-dən çox girovu qaçırması ilə Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu bəyan edib. Quru əməliyyatı başladılıb, onun məqsədi girovların qaytarılması və HƏMAS-ın tamamilə məhv edilməsidir.
İsrail Qəzza zolağına su, ərzaq, mal, elektrik və yanacaq tədarükünü dayandırmaq qərarına gəlib və kütləvi atəşə başlayıb. Dekabrın 5-də İDF Qəzza zolağında quru əməliyyatının üçüncü hissəsinə başlayıb və zolağın cənubundakı Xan Yunis şəhərini mühasirəyə alıb.
Noyabrın 22-də İsrail və HƏMAS humanitar fasilə və bəzi girovların azad edilməsi barədə razılığa gəliblər. Atəşkəsin bağlandığı həftə ərzində HƏMAS 110 girovu azad edib.
Poliqon.info
Digərxəbərlər
Populyar xəbərlər
