Ağ Evin strateji kommunikasiyalar üzrə koordinatoru Con Kirbi ABŞ-ın Şimali Koreya ilə ilkin şərt olmadan, o cümlədən Koreya yarımadasının nüvəsizləşdirilməsi məsələsində danışıqlara hazır olduğunu bildirib...
Poliqon xəbər verir ki, bu barədə Ağ Evin nümayəndəsi brifinq zamanı bildirib danışıb. Kirbi qeyd edib ki, Şimali Koreya bu təklifi qəbul etməyib.
“Biz əvvəllər demişdik ki, yarımadanın nüvəsizləşdirilməsi barədə danışmağa başlamaq üçün ilkin şərt olmadan KXDR lideri Kim Çen Inla danışıq masası arxasında oturmağa hazırıq. Bu, bu gün də aktualdır”, deyə Kirbi bildirib.
Xatırladaq ki, dekabrın 18-nə keçən gecə Şimali Koreya “Hwasong-18” qitələrarası ballistik raketini buraxıb. KXDR lideri bunu “düşmən qüvvələrə siqnal” və Birləşmiş Ştatların “səhv qərar” verəcəyi təqdirdə hərəkətə keçməyə hazır olduğunun nümayişi adlandırıb. Yaponiyanın məlumatına görə, raket Okuşiri adasından 250 km qərbdə Yapon dənizindəki eksklüziv iqtisadi zonasından kənara düşüb. Tokio hesab edir ki, fərqli trayektoriya ilə raket ABŞ-ın istənilən yerinə çata bilərdi.
Poliqon.info