Qayana və Venesuela mübahisəli Essequibo bölgəsi ilə vəziyyəti güc tətbiq etmədən müzakirə etməyə razılaşıblar...
Poliqon xəbər verir ki, bu barədə “RİA Novosti” Agentliyi iki ölkə liderləri arasında danışıqların yekunlarına dair birgə bəyanata istinadən məlumat yayıb.
Bəyanatda bildirilir ki, tərəflər 1966-cı il Cenevrə razılaşmasına uyğun olaraq münaqişəni həll etmək qərarına gəldilər.
“Qayana və Venesuela birbaşa və ya dolayısı ilə heç bir halda bir-birini təhdid etməyəcək və ya güc tətbiq etməyəcək”, deyə Venesuela prezidenti Nikolas Maduro bildirib.
Maduro və Qayana Prezidenti İrfaan Əli Essequibo məsələsində qarşılıqlı əlaqə yaratmaq üçün xarici işlər nazirləri səviyyəsində komissiya yaratmaq barədə razılığa gəliblər.
Bundan əvvəl Venesuela və Qayananın Essekibo ilə bağlı danışıqlar aparacağı məlum olub. Danışıqlar üzrə razılaşmadan əvvəl Braziliya prezidenti Luiz İnasio Lula da Silvanın və San Vinsent və Qrenadinin Baş nazirinin Nikolas Maduro ilə telefon danışığı apardıqları dəqiqləşdirilib.
Öz növbəsində Məhəmməd İrfaan Əli bildirib ki, Qayana Essekibo ilə bağlı Venesuela ilə ərazi mübahisəsinə görə digər dövlətlərlə hərbi əməkdaşlığı inkişaf etdirmək niyyətindədir.
Prezident həmçinin qeyd edib ki, hökumət Qayananın suverenliyini və ərazi bütövlüyünü qorumaq üçün lazım olan hər şeyi edəcək.
Poliqon.info