İsrail HƏMAS-ı öhdəliklərini yerinə yetirməməkdə ittiham edib

Poliqon xəbər verir ki, bu barədə The Times of Israel qəzeti yazıb.

Ofisdən bildirilib ki, İsrail müharibənin məqsədlərinə çatmaq niyyətindədir: girovları azad etmək, HƏMAS-ı sıradan çıxartmaq və Qəzzanın İsraili bir daha heç vaxt təhdid edə bilməyəcəyini təmin etmək.

Bundan əvvəl İsrail Müdafiə Qüvvələri (IDF) HƏMAS-a qarşı hərəkatı atəşkəs şərtlərini pozmaqda ittiham edərək, yenidən hərbi əməliyyatlara başlayıb.

Noyabrın 22-də İsrail Qəzza zolağında saxlanılan girovları azad etmək üçün HƏMAS ilə razılaşmanı təsdiqləyib. Razılaşmaya əsasən, dörd günlük atəşkəs elan edilib və bu müddət ərzində HƏMAS 50 qadın və uşağı azad edib. Bundan əlavə, Qırmızı Xaç nümayəndələrinə lazımi tibbi yardım göstərmək üçün qalan girovlara baş çəkməyə icazə verilib.

Tərəflər arasında atəşkəs noyabrın 24-də işə başlayıb və bir neçə dəfə uzadılıb. Lakin dekabrın 1-də İDF Qəzza zolağı yaxınlığında hava hücumu xəbərdarlığı elan edib.

Poliqon.info