Demokrat senator Peter Uelç İsrail və HƏMAS arasındakı qarşıdurmada həmişəlik atəşkəs əldə edilməsinə çağırıb...
Poliqon xəbər verir ki, senatorun sözlərini The Hill nəşri sitat gətirib.
“Yaxın Şərqdəki münaqişənin təsiri bütün dünyada əks-səda verdi və biz ABŞ-da islamafobiya və antisemitizm şəklində bunun nəticələrini görürük. Qorxu, qorxutma və zorakılıq dövrü bitməlidir”, deyə Uelç bildirib.
“İndiyədək atəşkəs əsasən uğurlu olub. Qətər və Misirin fəal iştirakı, həmçinin prezident Bayden və Netanyahu hökumətinin şəxsi iştirakı sayəsində girovlar azad edildi. Amma atəşkəs bu həftə başa çatır. Bu, ciddi səhv olardı”, deyə senator əlavə edib.
Bundan əvvəl Amerikanın CNN telekanalı mənbəyə istinadən məlumat vermişdi ki, Misir, İsrail, Qətər və ABŞ nümayəndələri İsrail və Qəzza zolağı arasında atəşkəsin uzadılması üzərində işləyirlər.
Hazırda Qətərin paytaxtı Dohada Mərkəzi Kəşfiyyat İdarəsinin direktoru Uilyam Börns, İsrailin Mossad kəşfiyyat agentliyinin rəhbəri Devid Barnea və HƏMAS rəhbərliyi ilə sıx əlaqələr saxlayan Qətər nümayəndələri danışıqlar aparırlar.
Poliqon.info