Fransiskin Qəzza ilə bağlı toplantıda dediyi sözlər səs-küyə səbəb olub və etirazla qarşılanıb...
Papa Fransisk Fələstinin radikal HƏMAS hərəkatı tərəfindən Qəzza zolağında saxlanılan israilli girovların ailələri ilə ayrı-ayrılıqda görüşüb...
Poliqon xəbər verir ki, öz çıxışında Papa “terror" və "soyqırım" kimi sözlər işlətdiyinə görə hiddət fırtınası yaradıb. Bu barədə Politico nəşri məlumat yayıb.
Nəşr yazır ki, Pontifik Müqəddəs Pyotr meydanında həftəlik ümumi auditoriyasının sonunda keçirilən görüşlərdən danışıb.
“Burada biz müharibədən kənara çıxdıq. Bu artıq müharibə deyil, terrordur. Xahiş edirəm sülhü davam etdirək. Sülh üçün dua edin, sülh üçün çoxlu dua edin, deyə Papa bildirib.
Qeyd edək ki, Papa Fransisk əvvəllər dəfələrlə müharibəni dayandırmağa çağırıb və münaqişələrdə Vatikanın tipik diplomatik neytrallığını qorumağa çalışıb. Lakin bu dəfə görüşdə iştirak edən fələstinlilər bildiriblər ki, din xadimi jurnalistlərin iştirak etmədiyi şəxsi görüşlərində Qəzzədəki vəziyyətin dəhşətlərini təsvir etmək üçün “soyqırım” ifadəsindən istifadə edib.
Vatikanın sözçüsü Matteo Bruni Fransiskin soyqırımı nəzərdə tutduğuna inanmadığını deyib. İsrailli girovların qohumlar da öz növbəsində Papa Fransiskə onları qəbul etdiyinə görə təşəkkür edib. Onlar ümid ediblər ki, Papa bütün girovları azad etmək üçün mənəvi nüfuzundan istifadə edə bilər.
Poliqon.info