İordaniya kraliçası Rania hesab edir ki, oktyabrın 7-də İsrail xalqına hücum edən radikal HƏMAS hərəkatının tamamilə məhv edilməsi Fələstin-İsrail münaqişəsini aradan qaldırmayacaq...
Poliqon xəbər verir ki, kraliça bu barədə Amerikanın CNN telekanalına müsahibəsində danışıb.
Kraliça qeyd edib ki, bu münaqişənin kökləri qanunsuz işğalda, insan hüquqlarının pozulmasında və qeyri-qanuni yaşayış məskənlərinin salınmasındadır. Kraliça bütün bunların əsas səbəbini aradan qaldırmağa çağırıb.
Rania İsrail hakimiyyətinin Qəzza zolağında mülki hədəflərə zərbə endirməzdən əvvəl yaydığı xəbərdarlığın praktiki olaraq işə yaramadığı fikrini ifadə edib, çünki oktyabrın 7-dən anklavda elektrik enerjisi kəsilib.
Kraliça bunu İsrail hakimiyyətinin öz hərəkətlərinə legitimlik vermək cəhdi adlandıraraq, HƏMAS-ın guya dinc əhalidən canlı qalxan kimi istifadə etdiyini deyərək özünə haqq qazandırdığını vurğulayıb. Eyni zamanda o, mülki insanlardan canlı qalxan kimi istifadənin cinayət olduğunu xatırladıb.
İordaniya kraliçası əlavə edib ki, Cebaliya qaçqın düşərgəsinə endirilən zərbə təsadüfi deyil, bu da müharibə cinayətidir.
Poliqon.info
Digərxəbərlər
Populyar xəbərlər
